Lo juèc vidèo STARDEW VALLEY En occitan

DOSSIÈR DE PRESENTACION

Queu dossièr presenta lo juèc originau Stardew Valley e son adaptacion en occitan, Vau Serena.

INSTALLACION

Volètz jugar a Vau Serena ? Seguètz lo guida !

Vos fau aver una còpia dau juèc originau Stardew Valley e aver l’accès aus fichièrs dau juèc. Vos perpausam puèi dos metòdes diferents per installar Vau Serena.

Etapa prumièra : ‘Chaptar Stardew Valley ! S’avètz pas desjà ‘chaptat mai installat lo juèc, chausissètz una de quelas boticas dejós :

Nòta : quò es per çò que vos fau, per l’installacion, aver accès aus fichièrs dau juèc que Vau Serena es nonmàs disponible sus PC (Windows, MacOs e Linux), tanben de biais plan teoric sus Android… se quò vos ditz !

Biais n°1

Lo metòde n°1 es mai “brutau”… Mas ren de grèu ! Visa a remplaçar tots los fichièrs d’una lenga dau juèc (aquí l’espanhòu) per quilhs en occitan. Quò es lo metòde mai simple. Notatz çai que delai que vos faudrá probablament tornar descharjar puèi tornar installar los fichièrs de Vau Serena se Stardew Valley fai una gròssa mesa a jorn. Notatz tanben que podretz a tot moment tornar a la version de basa dau juèc en lo tornar installar (vòstras sauvagardas serán conservadas). Enfin quò es possible qu’emb queu metòde quauques elements sián pas revirats, mas quò será marginau e quò vos gastará pas l’experiéncia Stardew Valley en occitan !

1.

Clicatz sus lo boton “Descharjar Vau Serena” aquí dejós.

2.

Descompressatz lo dossièr descharjat (7Zip o autre).

3.

Anatz dins lo repertòri d’installacion dau juèc dins vòstre ordenador. Veiquí quauques chamins per defaut per las installacions las mai correntas, la vòstra i es segurament :

Windows (via Steam)

C: \Program Files (x86)\Steam\steamapps\common\Stardew Valley

Windows (via GOG)

C:\Program Files (x86)\GOG Galaxy\Games\Stardew Valley

ou bien

C:\GOG Games\Stardew Valley

Mac (via Steam)

~/Library/Application Support/Steam/SteamApps/common/Stardew Valley/Contents/MacOS

Mac (via GOG)

/Applications/Stardew Valley.app/Contents/MacOS

Linux (via Steam)

~/.local/share/Steam/steamapps/common/Stardew Valley

Linux (via GOG)

~/GOGGames/StardewValley/game

Nòta : quela manipulacion tòca nonmàs los fichièrs en espanhòu dau juèc, ren mai es tocat. Podètz quand volètz suprimir Vau Serena en tornar installar Stardew Valley dins son estat iniciau.

4.

Se vòstre sistèma d’espleitacion vos zo demanda, acceptatz d’espotir TOTS los fichièrs concernits.

5.

Lançatz Stardew Valley.

6.

Se lo juèc se lança pas en occitan tanlèu la debuta, clicatz sus dins lo menut principau, puèi chausissètz .

Biais n°2

Lo metòde n°2 es un paus mai complèxe per çò que li fai mestièr l’installacion d’autras aplicacions, mas es tanben mai suava. Considèra Vau Serena coma un “mod”, quò es a dire un fichièr modificator que “s’empèuta” sus lo juèc originau e se deu executar emb un lançador especific. Queu procèssus d’installacion es pas sensible a las mesas a jorn dau juèc de basa e foncionará qué que se passe. En jugant a Vau Serena emb queu dispositiu, l’occitan será la sola lenga jugabla mas tot será revirat. Notatz totparièr qu’auretz una manipulacion a far sus Steam per activar los succès.

1.

Per descharjar lo mod Vau Serena, anatz sus sa pagina chas NexusMods. Tot i es explicat (en anglés)

2.

Descharjatz e installatz la darrièra version de SMAPI.

Nòta : SMAPI vòu dire “Stardew Modding API”. Quò es un pitit utilitari que vos permetrá de jugar a Stardew Valley emb de las modificacions creadas per la comunautat, Vau Serena mas tanben plan d’autras !

3.

Descharjatz e installatz Content Patcher.

Nòta : Content Patcher es un “mod” que permet de charjar daus contengus que modifican en doçor Stardew Valley. Per Vau Serena quò es l’assegurança de jugar emb daus fichièrs estables, a jorn, qu’esbolhan pas los fichièrs de basa dau juèc.

4.

Deszipatz lo mod Vau Serena descharjat en 1. dins vòstre sosrepertòri “Mods” de vòstre repertòri de juèc “Stardew Valley“.

5.

Lançaz Stardew Valley en passar per SMAPI.

+.

Conselh : S’utilizatz un clavièr AZERTY, tanlèu que podretz dins lo juèc, fajatz un torn dins los reglatges (ESC + ) e chamnhatz las tochas assignadas aus contròles. Stardew Valley es per defaut configurat segon un clavièr QWERTY.

Bon juèc !

LEXIC

Sètz perdut·da ? Comprenètz pas tot çò que se ditz dins Vau Serena ? Migretz pas, la pus-part dau vocabulari occitan emplejat dins lo juèc se tròba dins lo lexic francés -> occitan-lemosin dau , un diccionari en linha e gratuit realizat per (e ieu maitot).

Clicatz sus lo boton aquí dejós per drubir dirèctament lo lexic, puèi cerchatz dins las definicions.

ENCICLOPEDIA

Novèu ! Quauquas personas me dissèren qu’aviá ‘gut dau mau a compréner çò qu’èra tau o tau objècte qu’un eprsonatge lur disiá. Alaidonc ai fach, tanben per los ensenhaires·airitz d’occitan qu’aquò podrá interessar, un tablèu enciclopedic gigant daus objèctes e personatges dau juèc, renjats per tipe. Quò es un bon complement au lexic dau dicod’Òc que se’n parla mai naut e au Wiki oficiau dau juèc. Espiatz donc !

‘NAR MAI LUÈNH

Se volètz botar vòstre nas dins lo còdi de Vau Serena, perpausar de las correccions, de las modificacions, daus esmendaments, los fichièrs son accessibles per GitHub.

ESCRIVÈTZ-ME !

Maugrat lo suènh portat a l’elaboracion de Vau Serena, queu-qui pòt aver de las cauquilhas, de las errors mai daus bugs. Per me senhalar un problèma o simplament per me contactar, utilizatz lo formulari qui dejós.

3 + 4 =

LOG

01/03/2019 : Stardew Valley version 1.3.36

05/11/2019 : Vau Serena version 1.3.36

26/11/2019 : Stardew Valley version 1.4

11/01/2020 : Vau Serena version 1.4

15/02/2020 : Stardew Valley version 1.4.5

24/04/2020 : Vau Serena version 1.4.5

10/10/2020 : Enciclopèdia version 1.4.5

21/12/2020 : Stardew Valley version 1.5

23/01/2021 : Stardew Valley version 1.5.4

12/02/2021 : Vau Serena version 1.5.4

Pin It on Pinterest